Малтабар, Кырныш һәм Калмиядә 71нче Тынычлык язын билгеләп үттеләр (фото)

8 май көнне Малтабар авылында Бөек җиңүнең 71 еллыгы билгеләп үттек. Азалия, Айзилә, Сөмбел, Чулпан, Данилларның чыгышларын җылы кабул иттеләр. Җәүдәт хәзрәт җитәкчелегендә Малтабар хатын-кызлары мул итеп өстәл әзерләгәннәр иде. Өлкәннәребез бик канәгать булып, Вилльданов Г.М. КФХ әзерләгән, районнан җибәрелгән бүләкләрне алып, сөенеп киттеләр.

9 май көнне Кырныш һәм Калмия авылларында бәйрәмгә багышланган митинглар үтте. Мәктәп укучылары, укытучылары, "Күгәрчен" балалар бакчасында тәрбияләнүчеләр - беркем дә читтә калмады, үз көченнән килгән чаклы өлешен кертте. Бәйрәм бик күңелле үтте. Анда катнашучыларга зур рәхмәт, дип яза мәдәният йорты директоры Ләйсирә Сәхибҗанова.