Кортларның куркынычсызлыгы
«Россельхознадзор» федераль хезмәтенең район филиалы җитәкчесе Александр Литвинов хакимияттә үткән атналык киңәшмәдә бал кортларының куркынычсызлыгы мәсьәләсен күтәрде.
Эш шунда, республиканың берничә районында авыл хуҗалыгы культураларын корткычларга һәм чүп үләннәренә каршы эшкәртү барышында технологияләр үтәлмәгән. Бу йөзләгән корт оясының юкка чыгуына китергән, умартачыларга зур күләмдә зыян килгән. Күзәтчелек хезмәте белгече эшкәртүне башлар алдыннан хуҗалык җитәкчеләреннән авыл халкын алдан кисәтүне һәм кагыйдәләрне үтәүне сорады. Сөенечкә, Тукай районында мондый очраклар юк. Район башлыгы Фаил Камаев аграрийларны умартачыларның гозерен кире какмаска чакырды.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев