Комсомолец поселогы мәктәбендә патриотик акция узды
Мәктәптә Ватанны саклаучыларның батырлыгын мәңгеләштерүгә һәм яшьләрне берләштерүгә юнәлдерелгән патриотик чара үткәрелде.
Комсомолец поселогы мәктәбенең тәрбия эшләре буенча директор киңәшчесе О. Минаева башлангычы белән «Җиңү көче — халыклар бердәмлегендә!» дигән акция оештырылды. Чара кысаларында укучылар Бөек Ватан сугышы ветераннарына рәхмәт сүзләрен яздылар һәм махсус хәрби операциядә катнашучыларга үз теләкләрен юлладылар.
Балаларның кәгазь уч төпләреннән ясаган кабатланмас арт-объекты Ватан тарихына хөрмәтнең җанлы символына әйләнде. Бу чара мәктәптә Россия Мәгариф министрлыгы ярдәмендә тормышка ашырыла торган «Балачак навигаторлары» федераль проекты кысаларында узды.
Фото: Комсомолец поселогы мәктәбенең ВК төркеменнән
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев