Камил Нәҗмиев Круглое Поле поселогында ябык боз аренасы төзелешен тикшерде

admin, 11 июнь 2026 - 12:11

2026 елның 1 декабренә кадәр районның Круглое Поле поселогында ясалма ябык боз аренасы барлыкка киләчәк. Спорт объектын «Евростиль» компаниясе җитәкли. Район башлыгы Камил Нәҗмиев эшлекле сәфәре барышында биредә булып, төзелеш темпларын тикшерде.

Бүгенге көндә эшчеләр боз нигезенә бетон салуга керешәләр. Баш инженер Мөзахит Нуриәхмәтов белдергәнчә, бинаның түбәсен ябу эшләре дә тәмамлану алдында. Моның белән беррәттән, эчке бизәү, вентиляция, электр һәм башка инженерлык челтәрләрен кую эшләре дә тулы көченә бара.

Проект тулы төзелеш циклын үз эченә ала. Подрядчы бинаны гына җиткереп калмыйча, аны газ, җылылык, су һәм канализация челтәрләренә тоташтырачак, шулай ук урам утларын да урнаштырачак.