Җиңүчеләр белән горурланабыз

Яр Чаллы шәһәрендә "Елның сыйныф җитәкчесе" конкурсының зона этабы үтте. Бәтке урта мәктәбенең V сыйныф җитәкчесе Любовь Нурханова "Һөнәргә бирелгәнлек" номинациясендә җиңүче булды.

Кече Шилнә урта мәктәбенең "Музей эше" берләшмәсенә йөрүче Адель Крапивин, "Үткәннәргә сәяхәт" республика конкурсында катнашып, "Туризм төрләре буенча иң яхшы маршрут" номинациясендә өченче урынны алды.

"Без бергә" дип аталган республика фестиваленең "Дустыма хат" номинациясендә Новотроицкое урта мәктәбе укучысы Гүзәл Хәлилова беренче урынны алды.

Кнәз урта мәктәбе укучысы Ольга Ерхова, Мусабай Завод урта мәктәбе укучылары Илсинә Кәлимуллина һәм Милина Хәкимова туган якны өйрәнү буенча республика конференциясендә катнашып, призлы урыннар алдылар.