Гаилә бәйрәме уздырдык

Күп еллар бәхетле гаилә булып яшәгән Биктимеровлар, Насыйфуллиннар һәм актив китап укучылар килгән иде. Бәйрәм җыр-биюләр, төрле кызыклы уеннар, баш- ваткычлар белән үрелеп барды. “Мәкаль- тәрбия нигезе”, “Гаилә традицияләре”, “Кем тизрәк?” уеннарында көч сынаштылар.

Гөлфия ханым Сингатуллина моңлы җырларын бүләк итте.

“Безнең гаилә” дигән рәсем конкурсында да сынатмадылар, һәрберсе үзенең гаилә әгъзаларын рәсемгә төшереп призларга лаек булдылар. Ике китап авторы Насыйфуллин Ярулла үзе язган шигырьләрен укыды. Марсель Биктимеров апасы Роза язган шигырьләргә бик күп көйләр язган, шул көйләрне яңгыратты. Гаилә бәйрәме бик матур, күңелле булып узды. Һәркем яшәргә көч алып, укырга яңа китаплар алып таралышты.

Тәнзилә Шайхнурова.