Дөнья кубогы - Биклән егетендә

admin, 7 ноябрь 2022 - 15:30

319

4-5 ноябрьдә Казандагы «Ак Барс» көрәш сараенда ир-атлар һәм хатын-кызлар арасында билбау көрәше буенча Дөнья кубогы үтте.

Турнирда 25 илдән 300 дән артык спортчы катнашты. Татарстан Республикасы данын 15 спортчы яклады. Тукай районының Биклән авылыннан спортчы Илназ Рамазанов хәлиткеч көрәштә Үзбәкстан командасы вәкилен җиңде һәм 75 кг авырлык категориясендә (ирекле стильдә) алтын медаль яулады. Бу җиңү Илназ өчен дөнья дәрәҗәсендәге ярышларда дүртенчесе булды. Иң яхшы нәтиҗәне күрсәтеп, ул Россия спорт мастеры стандартын үтәде.