Чечняда Путин өчен 91,44 процент тавыш биргәннәр

Республикада иң аз тавышны ЛДПР башлыгы Владимир Жириновский җыйган.

Чечняда Путин өчен 91,44 процент тавыш биргәннәр, дип хәбәр итә Интерфакс.

Үзәк сайлау комитеты мәгълүматлары буенча, Владимир Путин өчен иң күп тавышны Чечня Республикасында биргәннәр. Ул, 91,44 сайлаучының тавышын җыеп, беренче урында.

Икенче урындагы КПРФ кандидаты Павел Грудинин 4,62 процент, өченче урындагы Сергей Бабурин 1,18 процент җыйган.

Республикада иң аз тавышны ЛДПР башлыгы Владимир Жириновский җыйган. Аңа сайлаучыларның 0,25 проценты ышаныч белдергән.

"Татар-информ" Татарстанда Владимир Путин өчен иң күп тавышны Нурлат районында биргәннәр, дип хәбәр иткән иде.