Чаллыда автобус һәм трамвайда йөрү хакы 22 сумга кадәр кыйммәтләнде

Элегрәк билет бәясе 20 сум булган. (Яр Чаллы, 29 май, "Татар-информ", Евгений Сироткин). Бүгеннән башлап, Яр Чаллы җәмәгать транспортында йөрү 22 сум тора. Бәя Татарстан республикасы тарифлар буенча дәүләт комитетының карары нигезендә арткан. Әйтергә кирәк, элегрәк аз һәм күп кеше сыйдырышлы автобусларда, трамвайда йөрү 20 сум булган. Баштарак бәяне 23 сумга кадәр күтәрергә уйлаганнар, ләкин 22 сум итү турындагы карар кабул ителгән. Яр Чаллыда билгеләнгән бердәм тарифлар барлык төр транспортка да кагыла. Әмма озак файдаланудагы билет бәясе-20 сум; озак файдаланудагы 50 тапкырга исәпләнгән билет белән түләгәндә 15 сум тотарга кирәк. Шулай ук транспорт картасы буенча онлайн-түләү кулланучыларга да ташлама каралган - алар да транспортта йөрү өчен 20 сум түләячәк.