Бәткедән – унҗиде, Круглое Поледан унбиш кеше депутат булырга тели

Муниципаль сайлаулар алдыннан «Бердәм Россия» партиясе районның авыл җирлекләрендә праймеризлар, ягъни партия эчендә алдан тавыш бирүләр үткәрүен дәвам итә. Узган атнаның җомгасында Бәтке һәм Круглое Поле җирлекләрендә район советына депутат булып сайланырга теләүчеләр халык белән очрашты. Праймеризларда ТР Дәүләт Советы депутаты Фоат Комаровның ярдәмчесе Наил Лотфуллин да катнашты. Бәтке авыл җирлеге буенча 11 округка 17 кеше, Круглое Поледа 10 округка 15 кеше үз кандидатурасын күрсәтте. Кичә алдан тавыш бирү Кнәз һәм Шилнәбаш, Иске Абдул һәм Сәмәкәй авыл җирлекләрендә узды.