Борынгы заманнардан бүгенге көнгә кадәр килеп җиткән милли йола- каз өмәсе

Авыл халкы элек тә, хәзер дә казларны күпләп асрыйлар.Көз көне һәр йортта каз өмәләре гөрли.
Казның ите дә бик тәмле була. Ә маен дару урынына да файдаланалар. Аны бит – колак өшегәндә сөртәләр.
Ә каз мамыгыннан йомшак, күпереп торган мендәрләр, ястыклар, каурыйларын сыдырып таба майлау өчен пумала( май канаты) ясыйлар.
Каз канаты каурый- каурый
Хатлар язарга ярый
Уйнамагач та көлмәгәч
Бу дөнья нигә ярый?
Менә бүген без- мәктәп яны лагерында ял итүче балаларны үзенчәлекле борынгы йола белән таныштырдык , күңелле итеп, гөрләшеп, шаян сүзләр, табышмаклар әйтешеп, май канатлары үрдек.
Мәдәният йорты хезмәткәрләре балаларга май канаты ясау серләрен төшендерделәр. Балаларның бик яратып, теләп үргән пумалаларын , әни- әбиләренә бүләк итеп , үзләренә үк биреп җибәрдек.
Илләребез тыныч, табыннарыбыз ипекәйле, һәр йортта да май канатлары белән майлап ашарлык тәмле милли ризыкларыбыз пешеп торсын, гаиләләребездә татулык,муллык булсын!