«Бердәм Россия» партиясенең Тукай җирле бүлекчәсе XXXIX конференциясенең икенче этабы

Чарада партиянең 25 башлангыч бүлекчәсеннән 46 делегат, шулай ук чакырылган кунаклар катнашты.

Көн тәртибендәге төп мәсьәләләр:

– «Бердәм Россия» партиясенең Тукай җирле бүлекчәсенең алдагы чорга бурычлары турында;

– Татарстан Республикасы Тукай районы җирле үзидарәсе вәкиллекле органнарының бермандатлы округлары буенча депутатлыкка кандидатлар күрсәтү турында;

– бүлекчәнең җирле үзидарә депутатларын сайлауларда катнашу мәсьәләләре буенча вәкаләтләрен җирле сәяси Советка тапшыру турында;

– партиянең җирле бүлегенең сайлау алды программасын кабул итү турында;

– «Бердәм Россия» партиясенең Татарстан төбәк бүлегенең Тукай бүлекчәсе сайлау берләшмәсенең тулы һәм кыскача исемен раслау турында.

Тукай районы җирле үзидарә депутатларын алда торган сайлауларда яшерен тавыш бирү нәтиҗәләре буенча партиянең 170 әгъзасы һәм алдан тавыш бирүдә җиңүчеләр  сайланды.

Конференция башланыр алдыннан партиянең яңа әгъзаларына тантаналы шартларда партия билетлары тапшырылды.