Балалар өчен салымны шәхси кабинеттан түләргә була
Балигъ булмаган балалар исемендәге милек өчен салым түләү ата-аналар өстендә. Хәзер ата-ана бала өчен салым түләвен үзенең шәхси кабинеты аша да башкара ала. Федераль салым хезмәтенең Татарстан Республикасы буенча идарәсе моның өчен балаларын шәхси кабинетка беркетергә киңәш итә.
Баланы ата-ананың кабинетына кушу өчен түбәндәгеләрне эшләргә кирәк:
– паспорт һәм баланың туу турындагы такныклыгы белән теләсә кайсы салым органына мөрәҗәгать итәргә;
– шәхси кабинетта «Профиль» бүлегендә «Семейный доступ» вкладкасына кереп, баланы шәхси кабинетка кертү өчен рәсми запрос җибәрергә;
– аннары баланың шәхси кабинетына күчеп, шунда махсус төймәгә басып, җибәрелгән рәсми запросны расларга кирәк.
Ата-аналарның шәхси кабинетларында баланы беркеткәннән соң, «Салымнар» бүлегендә балигъ булмаган балалар кергән исемлек килеп чыга. Салымнар банк картасы, онлайн-банк аша яки квитанцияне чыгарып, банкта да түләргә була.
Следите за самым важным и интересным в Telegram-каналеТатмедиа
Нет комментариев