Авыл хуҗалыгы продукциясен җитештерүчеләр өчен базар эшли

Яр Чаллыда "Южный" агросәнәгать паркы ачылды. Әлеге парк 56нчы комплекс артында, Ахметшин урамы белән Халыклар дуслыгы проспекты кисешкән җирдә урнашкан. Биредә эшкуарлар, крестьян-фермер хуҗалыгы җитәкчеләре, шәхси ярдәмче хуҗалык ияләре һәр көнне сәгать 9.00дан алып 17.00 сәгатькә кадәр үз продукцияләрен арадашчысыз сата ала. Сәүдә урыннары бушлай, автотранспорттан сату да рөхсәт ителә.

Парк территориясендә шулай ук 18 августта Баллы Спаска багышланган бал ярминкәсе үткәреләчәк, дип хәбәр итә Тукай муниципаль районы башкарма комитеты.

Тулырак мәгълүматлар өчен телефоннар: 71-32-96 яки 30-55-12, 30-58-24.