Атна ахырына чәчүне тәмамларга дигән бурыч куелды

Авыл хуҗалыгы һәм азык-төлек идарәсеннән 17 майга алынган мәгълүматлардан күренгәнчә, районда 42 мең гектар чәчүлек мәйданы чәчелгән, шул исәптән 3 мең га шикәр чөгендере, 2 мең га рапс, 1 мең га орлыкка кукуруз, 250 га көнбагыш, 220 га бәрәңге утыртылды. Көненә, уртача, 1000-1200 га мәйданда чәчүлек чәчелә. Район буенча атна азагына чәчүне нигездә тәмамлау бурычы куелды. Хуҗалык белгечләренә уҗымнарны тикшерү, чүп үләннәре һәм корткычларга каршы эшкәртү алып бару мөһим.