Археолог һәм тарихчы Фаяз Хуҗин вафат
Татарстанның күренекле археологы һәм тарихчысы, тарих фәннәре докторы Фаяз Хуҗин вафат булды. Ул гомерен Идел буе Болгар дәүләте, Алтын Урда һәм Казан ханлыгы тарихын өйрәнүгә багышлады һәм татар халкының тарихи мирасын саклауга зур өлеш кертте.
Танылган археолог һәм тарих галиме Фаяз Хуҗин вафат булды. Бу хәбәрне А.Х. Халиков исемендәге Археология институты җиткерде, дип яза Татар-информ.
Фаяз Хуҗин күп еллар буе Идел буе Болгар дәүләте, Алтын Урда, Казан ханлыгы тарихын, шулай ук Татарстандагы борынгы шәһәрләрне һәм археологик истәлекләрне өйрәнде. Аның хезмәтләре халкыбызның тарихын яхшырак белергә ярдәм итте.
Галим фәнни эшчәнлек белән генә чикләнмичә, тарихи-мәдәни мирасның әһәмиятен кешеләргә аңлатуга да зур көч куйды.
Хезмәттәшләре, укучылары һәм аны белгән кешеләр Фаяз Хуҗинны үз эшен яраткан, белемле һәм киң күңелле кеше буларак искә ала. Туганнарының һәм якыннарының тирән кайгысын уртаклашабыз, дип язылган хәбәрдә.
Фото: А.Х.Халиков исемендәге Археология институты
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев