Ирекле көрәш буенча Тукай районы спортчылары уңышлы чыгыш ясады

Мәктәп укучылары спартакиадасы кысаларында Мамадыш шәһәрендә ирекле көрәш буенча Татарстан Республикасы беренчелеге үтте. Анда 1998-1999 елгы яшүсмерләр катнашты. Районыбыз данын яклап чыккан Камилла Елисеева (Круглое Поле) үз авырлыгы буенча II урынны яулады. Эмиль Шәкүров (Круглое Поле) белән Илья Николаев (Бәтке) III урынга лаек дип табылдылар. Бикләннән Айнур Сөләйманов IV урынга чыкты.

Камилла Елисеева Татарстанның җыелма командасына сайланды. Хәзерге вакытта исә спортчы Новочебоксарск шәһәрендә уздырылачак Идел буе федераль округының беренчелегенә әзерләнә. Аңа уңышлар теләп калабыз!