Башкортостан аты Акмалай Тукай районы Сабан туенда район башлыгы призына ия булды
Тукай районы Сабан туенда ат чабышларының төп бүләге — район башлыгы призы — күрше Башкортостан республикасына китте.
1800 метр арага татар токымлы атлар арасында үткәрелгән иң дәрәҗәле ярышта башкорт аты Акмалай беренче урынны алды. Киеренке көрәштә күрше республика вәкилләре зур осталык күрсәтеп, өч медальнең икесен яулады. Ярыш хуҗаларына исә көмеш медаль генә насыйп булды.
Башкортостанның Чакмагыш районы вәкиле Игорь Такашев җитәкләгән Акмалай кушаматлы ат әлеге дәрәҗәле бәйгедә җиңү яулады. Җайдак буларак та үзе чыгыш ясаган Такашев осталыгын тулысынча күрсәтеп, Акмалайны финиш сызыгына беренче булып алып килде.
Икенче урынны һәм көмеш медальне Актаныш районыннан Альберт Хафизовның Сандугач кушаматлы аты алды.
Өченче урынга Башкортостанның Бакалы районыннан Владимир Белоусов карамагындагы Спирит аты күтәрелде. Аны дистанциядә җайдак Илдус Салихов җитәкләде.
Татар токымлы атлар чабышы Тукай районы Сабан туеның спорт программасында иң кызыклы һәм мавыктыргыч бәйгеләрнең берсе булды. Ул әлеге токым атларының чыдамлыгын, җитезлеген һәм көчен тагын бер кат раслады.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев