Тукай районы башлыгы Камил Нәҗмиев Круглое Поле мәктәбенә 100 мең сумлык сертификат тапшырды
Тукай районы мәктәпләрендә 500дән артык чыгарылыш сыйныф укучысы өчен соңгы кыңгырау чыңлады. Круглое Поле урта гомуми белем бирү мәктәбендәге тантаналы бәйрәмдә район башлыгы Камил Нәҗмиев катнашты.
Муниципалитет җитәкчелегеннән бирелгән бүләк уку йорты өчен күңелле сюрприз булды — Камил Нәҗмиев мәктәпне үстерү һәм аның ихтыяҗлары өчен 100 мең сумлык акчалата сертификат тапшырды.
Район җитәкчесе быелгы чыгарылыш елының үзенчәлекле һәм тарихи булуын ассызыклады, чөнки ул Тукай районы оешуның юбилей елы белән туры килде. Бәйрәмдә катнашучылар алдында чыгыш ясап, башлык укытучыларга фидакарь хезмәтләре, ә әти-әниләргә балаларга ярдәмнәре өчен тирән рәхмәтен белдерде.
Тантананың төп геройларына мөрәҗәгать итеп, район башлыгы аларга үз иленең лаеклы гражданнары һәм патриотлары булырга, барлык уку йортлары ишекләре ачык булган чорда алга барырга һәм илебезнең якты киләчәге булырга язсын дип теләде.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев