Түбән Камада өч укучы кытай теленнән БДИ тапшырырга җыена
Түбән Кама шәһәрендә өч чыгарылыш укучысы кытай теленнән бердәм дәүләт имтиханын тапшырырга җыена. Иң гаҗәбе шул - бу фәннәр мәктәптә бөтенләй укытылмый.
Район мәгариф идарәсе җитәкчесе Рөстәм Хуҗин хәбәр итүенчә, БДИ фәннәрен сайлау кампаниясе 1 февральдә тәмамланган. Укучылар арасында иң популяр фәннәр традицион рәвештә профильле математика, җәмгыять белеме, информатика, химия һәм биология булып кала. Быел исә фәнни юнәлешләргә кызыксынуның артуы да күзәтелә.
Аерым игътибарны 2, 24 һәм 29 нчы мәктәп укучылары җәлеп иткән — алар кытай телен сайлап, имтихан тапшырырга теләк белдергән.
Тугызынчы сыйныф укучылары арасында исә иң күп сайлана торган фәннәр — география, информатика, җәмгыять белеме һәм биология.
Быел имтихан тапшыру системасына техник яңалыклар кертелгән: биремнәр турыдан-туры аудиториядә бастырыла, ә эшләр имтиханнан соң сканерланып, сакланган элемтә каналлары аша тикшерүгә җибәрелә. Бу процессларда техника һәм интернет тотрыклылыгына аерым игътибар бирелә.
Моннан тыш, 2026 елдан Татарстанда яңа эксперимент старт ала: тугызынчы сыйныф укучылары ике мәҗбүри имтихан нәтиҗәләре нигезендә аттестат алып, һөнәри көллиятләргә укырга керә алачак. Шул ук вакытта бу юлны сайлаучылар 10 нчы сыйныфта укуны дәвам итә алмаячак һәм башка урта махсус уку йортларына да күчә алмаячак.
Имтиханнарны тапшыра алмаган укучылар өчен исә һөнәри әзерлек программалары каралган: алар соңрак имтиханнарны яңадан тапшырып, эшче һөнәре ала алачак.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев