Тарихтан имтихан бирү тәртибе үзгәрә
Рособрнадзор башлыгы Анзор Музаев мәктәптә тарих фәне буенча имтиханнарны нинди үзгәрешләр көтүе турында сөйләде
Хәзер тарихтан Бердәм дәүләт имтиханы (ЕГЭ) үзгәрә: коры даталарны ятлау гына җитми. Укучы вакыйгаларның сәбәпләрен аңларга һәм логик фикер йөртергә тиеш. Элеккеге кебек ятлау юлы белән генә имтиханны тапшырып булмый.
Музаев сүзләренчә, киләчәктә имтиханга телдән сөйләү өлешен кертелергә мөмкин. Ләкин моны ашыгып эшләмәячәкләр. Башта белгечләр бәяләү системасының гадел булуын тикшерәчәк, чөнки билгеләрне объектив кую — иң мөһим шарт.
Шулай ук якынча 2028 елдан башлап ОГЭга керү өчен тарих буенча телдән имтихан кертү идеясе дә карала. Ул җәй көне түгел, ә иртәрәк — мәсәлән, февраль аенда узарга мөмкин, чөнки бу вакытта программа өлешчә өйрәнелгән була инде.
Шул ук вакытта Рособрнадзорда ассызыклауларынча, укучылар өчен бу яңалыклар җитди авырлыклар тудырмаячак — система бары тик акрынлап камилләшәчәк һәм тагын да объективрак булачак.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев