Медицина белгечлекләре исемлегенә яңа юнәлешләр өстәлде
Министрлык медицина һәм фармацевтика өлкәсендә белгечләр исемлегенә 15тән артык яңа юнәлеш өстәде. Яңа кагыйдәләр 1 сентябрьдән үз көченә керә.
Сәламәтлек саклау министрлыгы медицина һәм фармацевтика өлкәсе белгечләре исемлеген киңәйтте. Анда 15тән артык яңа юнәлеш өстәлгән, дип хәбәр итә Российская газета.
Исемлеккә медицина биологиясе, логопедия, массаж, психология, эмбриология, зоология, токсикология, нутрициология, нейропсихология, суд экспертизасы һәм башка юнәлешләр кертелгән.
Шулай ук 2027 елдан паллиатив медицина ярдәме дә өстәләчәк. Кайбер белгечлекләр, шул исәптән вирусология һәм бактериология, 2028 елга кадәр сакланачак.
Моннан тыш, урта медицина белеме өчен дә яңа юнәлешләр өстәлгән: стоматология эше, медицина микробиологиясе һәм нутрициология.
Яңа кагыйдәләр 1 сентябрьдән үз көченә керә.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев