Беренче сыйныф укучыларының атналык уку йөкләнеше 21 академик сәгатьтән артмаска тиеш. Бу хакта РФ вице-премьеры Дмитрий Чернышенко аппараты хәбәр итә, дип яза РИА Новости.
Уку елының тәүге ике аенда — сентябрь һәм октябрьдә — беренче сыйныф балалары көненә өчәр дәрес укыячак. Атнага бер көн дүртенче дәрес итеп физкультура үткәрү каралган.
Ноябрьдән көндәлек дәресләр саны дүрткә җитәчәк. Атнага бер тапкыр бишенче дәрес — физкультура да булырга мөмкин.
Расписание төзегәндә фәннәрнең катлаулылыгы һәм балаларның яшь үзенчәлекләре исәпкә алыначак. Беренче сыйныф программасына атнага бер сәгать «Мөһим сөйләшүләр» дәресләре дә кертелә. Шулай ук укучылар «Россия бөркетләре» программасы кысаларындагы чараларда катнашачак.
"Якты юл" газетасына язылыгыз һәм Тукай районындагы яңалыкларны, вакыйгаларны белеп торыгыз
Нет комментариев