Тукай районында балалар китап ярдәмендә табигатьне сакларга өйрәнә

... Синең алдыңда - китап. Ул әле өр-яңа, бик матур, шундый серле. Аның битләрен ачкач ниндидер серле дөньяга эләгерсең төсле. Сокланып кына битен ачасың... һәм сихри тирәлеккә кереп китәсең. Ул синең дустыңа, ярдәмчеңә, киңәшчеңә әйләнә.

Балаларда хайваннарны ярату , табигатькә сак караш уяту максатыннан китапханәдә "Кызыл калфак" балалар бакчасында тәрбияләнүче балалар белән, Сәмига Сәүбәнованың "Нәни болан баласы" китабын сәнгатьле уку оештырылды. Китапны укып чыккач, балалар китап эчтәлеген сөйләделәр, матур итеп фикер алыштылар, дип хәбәр итә Биюрган авылыннан Флүзә Сәлимова.