Якты юл

Тукай районы

18+
Рус Тат
2024 - Гаилә елы
Кызыклы һәм файдалы

Бөтнек – хуш исле, затлы үлән

Бөтнекнең (мята полевая) төрләре күп һәм ул хуш исле дару үләннәреннән санала.

Бөтнекнең һәр төре дә күпьеллык. Әгәр чәчәк атмас борын җыеп алсаң, яңадан үсеп чыга. Дару өчен бөтнекне чәчәк вакытында җыялар һәм кояшта киптереп коры җирдә саклыйлар. Бөтнекнең үзлеге – ашказанын һәм йөрәкне уятучы, кузгатучы, ныклык бирүче, азыкны эшкәртүче, тирләтүче, бәвелне ясаучы. Бөтнек – һәрбер әгъзаның үз куәтен саклар. Ир-ат өчен аеруча файдалы. Эчне һәм эчәгеләрне чистартыр, эчтәге газларны чыгарыр. Ашны хуш исле итәр, чәйгә затлы тәм бирер. Бөтнекне дару өчен кулланганнан соң бөтен тәнгә файдасы бик тиз барып җитәр. Аппетитны ачар. Көзән зәхмәтенә, сеңерләр тартышканга бик файдалы. Шулай ук укшыганга, косасы килгәнгә, ашказаны һәм эчәгеләрнең шешүеннән дәвалану өчен кулланыла. Күптәнге (хроник) авыруларга да шифалы. Хатын-кызның күреме тотылганда кулланса файда бирә. Сидек кудыру үзлегенә ия. Тирләткеч буларак моннан да файдалырак үлән юктыр. Картларга, зәгыйфь һәм ябык кешеләргә файдалы. Авыздан сарымсак исен бетерергә теләсәң кыр бөтнегенең яфрагын чәйнә, хуш булыр. Гомумән, бу үлән – затлы, файдалы, хуш исле үсемлек.

Реклама

Следите за самым важным и интересным в Telegram-каналеТатмедиа

"Якты юл" газетасына язылыгыз һәм Тукай районындагы яңалыкларны, вакыйгаларны белеп торыгыз

https://podpiska.pochta.ru/press/%D0%9F9499

Реклама

Оставляйте реакции

2

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев