Бәткедә яшәүче ир 1 миллионнан артык алимент түләмәгән өчен хөкем ителде
Тукай районы прокуратурасы Бәтке авылында яшәүче 51 яшьлек ир-атка карата дәүләт гаепләвен хуплады. Суд аны баласын тәэмин итү өчен акча түләмәгән өчен гаепле дип таныды.
Ачыкланганча, әлеге ир-ат моңа кадәр дә шушы ук хокук бозу өчен җаваплылыкка тартылган булган. Шуңа да карамастан, ул 2025 елның октябреннән 2026 елның гыйнварына кадәр алимент түләмәгән. Әлеге чорда аның якынча 80 мең сум бурычы җыелган, ә гомуми бурычы 1,3 миллион сумнан артып киткән. Ир-ат үз гаебен тулысынча таныган.
Суд, дәүләт гаепләүчесе фикере белән килешеп, аңа 5 айга төзәтү эшләре рәвешендә җәза билгеләде. Бу вакытта аның хезмәт хакының 5 проценты дәүләт файдасына тотып калыначак.
Прокуратура искәртә: балаларны карау һәм тәэмин итү — һәр ата-ананың бурычы.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев