Кнәз авыл клубында Бөтендөнья мәчеләр көнен билгеләп үттеләр
Кнәз авылының мәдәният йортында нәни авылдашлар өчен Бөтендөнья мәчеләр көненә багышланган гаҗәеп күңелле һәм танып-белү бәйрәме узды.
Бәйрәм программасы бик җанлы оештырылган иде: балалар мәчеләр тормышыннан кызыклы фактлар тыңладылар, махсус викторина сорауларына җавап бирделәр. Чараның иң истәлекле һәм җылы өлеше булып нәниләрнең үз йорт хайваннары турындагы сөйләмнәре булды.
Катнашучыларның һәркайсы үзенең йомшак дусты турында зур горурлык һәм ярату белән сөйләде. Балалар үз мәчеләренә кушкан исемнәр дә барча кешене сокландырды: авыл гаиләләрендә Симба, Пушок, Серый, Василий, Тимофей, Джонси кебек матур һәм яңгыравыклы исемнәр йөртүче дүрт аяклы дуслар яши икән.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев