Бүгенге көнгә районда 33098 тонна ашлык урып-суктырылды
Тукай районында урып-җыю кампаниясе тулы куәтенә бара. Аграрийлар, бүгенгесе көнгә бөртекле ашлыкның 18 процентын урып-суктырдылар.
Район җирлегендә хезмәт куючы җитештерү предприятиеләре, крестьян фермер хуҗалыклары урып-җыю кампаниясен уңышлы башкарып чыгу өчен аяз көннең һәр минутын файдаланып калырга тырышалар.
Тулаем алганда, агымдагы елда Тукай районыда 40064 гектар җирдә урып-җыю эшләрен башкарырга кирәк. Бүгенгесе көнгә шуның 7105 гектарында урып-җыю эшләре башкарылды, бу барлык мәйданның – 18 % тәшкил итә. Уңыш канәгатьләнерлек – 33098 тонна тәшкил итә, гектарыннан 46,6 центнер уңыш чыга.
Республика буенча сөрүлек җирләр 1 103 379 гектар тәшкил итә. 3 августка шул мәйданның 184490 гектарында бөртеклеләр урып-җыелды. Бу барлык мәйданның 17 % дигән сүз. Урып-суктырылган 749136 тонна ашлык ындыр табагына кайтарылды. Республика буенча бөртеклеләрдән уртача уңыш гектарыннан 40,6 центнер тәшкил итә.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев