«Һава температурасы минус 3 градуска төшсә дә, уҗымнар өчен бу куркыныч түгел», - диләр авыл хуҗалыгы белгечләре

- Җепшек кар, көчле җил, һава температурасының түбән булуы уҗымнар өчен куркыныч түгел. Үсемлекләр мондый температурага гына чыдам. Кыска вакытлы гына салкын һава авыл хуҗалыгына бары тик бераз тоткарлык кына китерергә мөмкин, ә игеннәргә зыян юк - диде район авыл хуҗалыгы һәм азык төлек идарәсенең игенчелек буенча белгече Галимҗан Шәйморатов.

Сүз унаеннан, бүгенге көндә район буенча язгы кыр эшләренә «Чаллы яшелчәсе+» хуҗалыгы, «Тукай азык-төлек корпорациясе», «Биклән» җитештерү кооперативы, Сәйдәшев исеменәге хуҗалык һәм «Кама» агрофирмасының Теләнче Тамак авылында урнашкан өченче бүлекчәсе кереште. Алар хәзерге көндә көзге культураларны һәм күпьеллык үләннәрне тамырдан тукландыру белән мәшьгуль. «Чаллы яшелчәсе+» хуҗалыгы күпьеллык үләннәрне тырмалый башлаган.