2027 елда вакытлыча эшкә яраксызлык буенча пособие көненә 933,39 сумнан 1 033,39 сумга кадәр тәшкил итәргә мөмкин. Түләү күләме айдагы календарь көннәр санына бәйле булачак. Бу хакта ТАССка РФ Хөкүмәте каршындагы Финанс университеты доценты Игорь Балынин хәбәр иткән.
Белгеч аңлатуынча, киләсе елда минималь хезмәт хакы 28 935 сумга кадәр күтәрелсә, больничныйны исәпләгәндә кулланыла торган минималь уртача көнлек хезмәт хакы 951,29 сумга җитәчәк.
Шул ук вакытта пособие күләме айның озынлыгына карап үзгәрәчәк. 31 көн булган гыйнвар, март, май, июль, август, октябрь һәм декабрь айларында минималь түләү көненә 933,39 сум тәшкил итәчәк. 30 көнлек апрель, июнь, сентябрь һәм ноябрьдә бу сумма 964,50 сум булачак. Ә февральдә көнлек түләү 1 033,39 сумга җитәчәк.
Игорь Балынин сүзләренчә, минималь пособие МРОТ күләмен һәм тиешле айдагы календарь көннәр санын исәпкә алып билгеләнә. Чагыштыру өчен, 2026 елда больничныйны исәпләүдә минималь уртача көнлек хезмәт хакы 890,73 сум тәшкил итә. 30 көнлек айда минималь түләү 903,10 сум, 31 көнлек айда — 873,97 сум, ә февральдә 967,61 сум була.
Искәрмә: 2027 елга карата күрсәтелгән суммалар экспертның фаразына һәм минималь хезмәт хакы күләменә бәйле.
Нет комментариев