Рамил Гыйләҗевны 50 яшьлек юбилее белән гаиләсе котлый!

Мусабай Завод авылында яшәүче иң кадерле кешебез Рамил Сәйфетдин улы Гыйләҗевка 29 мартта 50 яшь тула. Матур юбилее белән котлап, аңа иң изге теләкләрне юллыйбыз.
Алтын куллы, төпле фикерле, хезмәт сөючән, олы җанлы, киң күңелле әтиебез! Сине шушы күркәм бәйрәмең белән чын йөрәктән ихлас тәбрик итәбез. 
Гомерең буе хәләл көч, гадел хезмәт белән, тормыштан тәм табып, гаиләңне җил-яңгырдан саклап, якыннарыңа ныклы терәк, авырлык килгәндә таяныч булып яшисең. Без синең сабыр, гадел, кешелекле булуың белән горурланып, сиңа сыенып, яхшы сыйфатларыңны үрнәк итеп яшибез. Һәрберебез өчен өзелеп торучы якты йөзле, тәмле сүзле, газизләрдән-газиз кешебез. 
Алдагы көннәреңдә дә тигезлектә, гаилә җылысын саклап, якыннарыңа олы таяныч, зирәк, акыллы киңәшчебез булып яшәргә язсын. 

Безнең өчен якты кояш бит син,
Җылы яңгырлысы җәйләрнең.
Бүген 50 яшең, кадерлебез, 
Котлы булсын гомер бәйрәмең.
Гомрең озын, тәнең сихәт булсын, 
Кайгы-хәсрәт күрми яшә син.
Балаларың, оныкларың сине
Бәхетләргә төреп яшәсен.

Иң изге теләкләр белән тормыш иптәшең Резедә, улларың Ринат, Булат, киленең Гүзәлия, оныгың Ильвина һәм әниең Рәсимә.