Инзилә Шәмсетдинованы 50 яшьлек юбилее белән Сәмәкәй мәктәбе коллективы котлый!

Район мәгариф идарәсе, профсоюз оешмасы, Сәмәкәй мәктәбе коллективы мәктәбебездә укыту эшләре буенча директор урынбасары булып эшләүче, башлангыч сыйныфлар укытучысы Инзилә Фәйзелхан кызы Шәмсетдинованы гомер бәйрәме – 50 яшь тулган көне белән тәбрик итә.

Хөрмәтле Инзилә Фәйзелхановна! Сез 30 ел балаларга белем һәм тәрбия бирәсез. Гаделлек, сабырлык сорый торган хезмәтегезне бөтен күңелегезне, йөрәк җылыгызны биреп башкарасыз. Инде 10 еллап мәктәбебезнең укыту-тәрбия буенча директор урынбасары вазифасын нык төгәллек, җаваплылык белән башкарасыз. Коллективта да, ата-аналар, авылдашлар алдында да абруегыз зурдан.
Яшьли ялгыз калып, бердәнбер кызыгызны тәрбияле, кешелекле итеп үстердегез, олы тормыш юлына озаттыгыз. Бүген берсеннән-берсе сөйкемле оныкларыгыз бар. Сез аларның таянычы, киңәшчесе, ышанычы.
Күркәм юбилеегыз белән тәбрик итеп, Сезгә һәм якыннарыгызга ныклы саулык, бәрәкәтле имин тормыш, эшегездә һәм тормышыгызда уңышлар, җан тынычлыгы телибез. Балаларыгызның, якыннарыгызның күңел җылысын тоеп, игелекләрен күреп, уңыш-ларына куанып, бәхетле озын гомер кичерергә язсын. Тормышыгыз матур, өстәлләрегез тулы һәм түгәрәк булсын.