Шилнәбашта чыккан янгында илле яшьлек ир-ат үлгән

Узган төндә Шилнәбаш авылының Октябрьнең 60 еллыгы урамында ике катлы йортның бер фатирында янгын чыга. Фаҗига урынына килгән ут сүндерүчеләр фатирдан ир-ат гәүдәсен табып алалар. 50 яшьлек әлеге ир берүзе генә яшәгән була, исерткеч эчемлекләрне бик еш кулланган, шул сәбәпле аны гаиләсе дә ташлап киткән. Ул көнне дә күршеләре аны кичтән эчкән хәлдә күргәннәр. Төнлә йорт эчендә төтен исен сизеп янгын сүндерүчеләргә хәбәр иткәннәр. фатир эчендә диван, идәннең бер өлеше янган. Ә ир-атның тәнендә пешкән урыннар юк, ул төтен исеннән үлгән дип фаразлана.