Авылым, кешеләрең синең рубрикасы буенча яңалыклар

• 01 июль 2021

  Иң шәп балыкчылар

  Князево авыл җирлегендә һәр ел саен иң яхшы балыкчыны билгелиләр. Быел да Бөтендөнья балык тоту көненә багышлап шундый чара үткәрелде. Җирлекнең мәдәният хезмәткәрләре иң шәп балык тотучыларны конкурс ярдәмендә ачыклады. 

  
• 30 июнь 2021

  Безнең яшьләр талантлы һәм максатчан

  Тукай районы яшьләре нәкъ шундыйлар. Иске Җирекле авылында Бөтенроссия яшьләр көне билгеләп үтелде. Бәйрәм чарасы «ТАССРның 100 еллыгы» паркында оештырылды.

  
• 29 июнь 2021

  Инглиз телен «су кебек эчәбез»!

  Җәйге каникулларның бер ае инде үтеп тә китте. Ә алда тагын ике айлык күңелле яллар. Дәрес тә әзерлисе юк, нәрсә телисең, шуны эшлисең! Әмма әти-әниләрнең соңгысы белән килешеп бетәсе килми, алар балаларының озын ялны файдалы итеп үткәрүләрен тели. Әйе, җәй – ул ял гына түгел әле. Балаларның сәламәтлеген ныгыту өчен дә иң яхшы вакыт бит. «Шуңа өстәп, балаларның вакытлыча булса да гаджетларын онытып, белемнәрен киңәйтер, инглиз теле өйрәнер өчен менә дигән вакыт», – дип фикер йөртә «Балкыш» лагеренда ял итүче балаларның ата-аналары.

  
• 24 июнь 2021

  Журналист авылдашыбыз

  Ел башында ук район китапханәләр системасы Тукай районының 45 еллыгы уңаеннан «Тукай хатын-кызы» дигән иҗади бәйге игълан иткән иде. Берничә язмам район газетасында, башка газеталарда басылып чыкты. Тукта әле дим, район оешып, аның саф татар телендә «Якты юл» газетасы чыга башлаган көннән алып, басманы оештырышып, беренче мәкаләләрен язган, 45 ел буе шунда эшләгән, әле хәзер дә газетада төрле язмалары чыгып килә торган талантлы журналист Заһидә апа Нәбиуллина Күзкәебездә яшәп ята, авылның җәмәгать тормышында актив катнаша. Шулай уйладым да, мөхтәрәм кешебез турында да язарга нияләдем.

  
• 24 июнь 2021

  Унҗидедә ут эченә кергән

  Мөфтәх Әнсаф улы Нуретдинов кичә, 24 июньдә, 95 яшен тутырды. Күз тимәсен, егетләр кебек әле ул. Редакциябезгә дә үзе рульдә утырып килүен әйткәч, хәйран калдык.  Мөфтәх ага Нуретдиновны танып белүчеләр дә күптер, чөнки ул Җиңү бәйрәме көннәрендә Чаллы урамнарындагы банерлардан безне елмаеп сәламләүчеләрнең берсе бит.  Гасырга тиң гомер юлы узган ветеранның истәлекләре бихисап. Аның кичергәннәрен газета битләренә генә сыйдыру мөмкин түгел. Шуңа күрә ул сагынып искә алган иң гыйбрәтле вакыйгаларның берникадәрен сайлап алдык. Сүзне ветеранның үзенә бирәбез.

  
• 23 июнь 2021

  Дәрәҗәле исем

  «Тукайагрохимсервис» җаваплылыгы чикләнгән җәмгыятенең минераль ашламалар базасы җитәкчесе Нурхания Әхмәтшина дәрәҗәле бүләккә лаек булды.

• 17 июнь 2021

  Эштән куркып тормыйбыз!

  Тукай районы хуҗалыкларында мәктәп укучыларын җәйге каникулда ярдәмче буларак эшкә алу тәҗрибәсе күптәннән килә торган традиция. «С. Сәйдәшев исемендәге авыл хуҗалыгы предприятиесе» җаваплылыгы чикләнгән җәмгыятендә, әлеге традицияне дәвам иттереп, быел да 10 июньнән үсмерләрне кабул иттеләр. Хуҗалыкның Мерәстәге терлекчелек комплексында без аларның берничәсе белән танышып кайттык. 

  
• 17 июнь 2021

  Санкт-Петербургтан – җиңү белән!

  Князево җирлегендә эшләп килүче «Умырзаялар» балалар хореографик ансамбле «Балтийская радуга» халыкара фестиваль-бәйгедә катнашты. Ул Санкт-Петербургта үтте.

  
• 12 июнь 2021

  Эзләгән эз калдыра

  «Ярыш» хуҗалыгында күп еллар агроном булып эшләгән, авыл хуҗалыгы тармагындагы казанышлары өчен Хезмәт Кызыл Байрагы ордены, «Хезмәттәге батырлык өчен» медале, күпсанлы мактау кәгазьләре белән бүләкләнгән, «Татарстанның атказанган агрономы» дигән мактаулы исемгә ия булган Әзһәм Сазхыевка шушы көннәрдә 90 яшь тулды.

  
• 11 июнь 2021

  Илнар Минекәев: «Мин – җир улы!»

  Илнар Минекәев – тумышы белән Әгерҗе районы Үтәгән авылыннан. Мәктәпне тәмамлауга егет авыл хуҗалыгы тармагында хезмәт юлын башлаган. Туган авылы Үтәгәннең басу-кырларында иген иккән, җир эшкәрткән. 2010 елдан «Кама» агрофирмасында эшли. Бер сүз белән әйткәндә, ул – авыл хуҗалыгы өлкәсендә тәҗрибәле механизатор. Илнар Минекәев быел Сабантуй мәйданының түрендә булачак. Ул – районның кыр батыры!

  
• 09 июнь 2021

  Иң гуманлы һөнәр ияләре

  8 июнь – халыкка социаль хезмәт күрсәтү хезмәткәрләренең һөнәри бәйрәме уңаеннан район хакимияте бинасында иң гуманлы һөнәр ияләрен хөрмәтләү тантанасы булды. 

  
• 06 июнь 2021

  Хисләренең төсе – чигү җепләрендә 

  Ут күршебез Башкортстан Республикасы Аскын районы Күнгәк авылында туып-үскән Рәсилә 1971 елда Яр Чаллыга КамАЗ төзелешенә килә. Байтак еллар «Сельстрой» берләшмәсендә хезмәт куя. Гигант төзелешкә килгән меңәрләгән яшьләрне үзенә сыендырган авылларда йортлар, терлек фермалары төзи бу оешма. Аннары Рәсилә ханым трамвай йөртүче һөнәрен үзләштерә, 50 яшенә кадәр үз эшенә тугры кала. Аннары, сәламәтлеге какшау сәбәпле, вахтер булып эшли башлый. Гомере буе тынгысыз хезмәттә булган ханымның куллары үзеннән-үзе эш сорап тора. Чигү җепләренә хисләренең төсен кушып, аларны табигатьнең, тормыш-яшәешнең җанлы бер кисәге итү менә шул чорда башлана да инде. 

  
• 28 май 2021

  Хезмәт аша табылган бәхет

  27 май – Китапханәләр көне  Хезмәт аша табылган бәхет Аның бөтен уе, тормыш максаты хезмәткә юнәлгән. Югыйсә, бу кадәр эшләр башкарырга нинди көч-кодрәт җитсен ди. Ул көндез дә, төнен дә китаплар белән, әйтерсең лә, китаплар эчендә ул әлегә белмәгән, ишетмәгән сер ята. Сүзем Боерган авылы китапханәчесе Флүзә ханым Сәлимова турында. Аның белән танышуым «Якты юл» газетасында эшләгән елларда булды. Ул редакциягә үзе үткәргән чаралар турында язып китерә иде. Исем китеп укый торган идем ул язмаларны. Алардан Флүзә ханымның эшен бик тә яратканлыгы сизелә иде. Игенчеләргә, терлекчеләргә, озак еллар бергә яшәгән парларга дан җырлый иде ул.

  
• 23 май 2021

  Күршең үзеңнән яхшы булсын

  Без үскәндә әниемнең шундый сүзләрен еш ишетә идем. Ә менә халык теленә кергән әлеге гыйбарәнең асылы турында уйлап та караган булмады. Яши-яши төшендем мин аңа. Яшәү урыннарын, фатирларны алыштырырга, билгеле инде, күнегелгән күршеләрдән аерылырга туры килде.

  
• 21 май 2021

  Бәхетләренең нигез ташы нык

  Боерган авылында Халыкара гаилә көне кысаларында бик матур бәйрәм узды. Авылның 45, 50, 55, 60 ел бергә гомер иткән үрнәк парлары белән очраштык. Гомерләрен хезмәттә үткәргән, яшь буынга үрнәк булырлык күркәм эшләр башкарган кешеләрнең гомер сәхифәләрен барладык.