Авылым, кешеләрең синең рубрикасы буенча яңалыклар

• 23 декабрь 2021

  Айгөл Дилмиева: «Иң зур хыялым тормышка ашты»

  Дөреслекне юллап йөргәндә һәр кеше иртәме-соңмы судка мөрәҗәгать итә. Административ, гражданнар, җинаять эшләрен караган судья биредә гаделлекне, кеше язмышларын хәл итүче буларак кабул ителә. Һәм бу, чыннан да, шулай. 

  
• 13 декабрь 2021

  Фермердан инвалидларга бүләк

  Инвалидлар ункөнлеге кысаларында «Миңнехуҗина М.Н» крестьян-фермер хуҗалыгы җитәкчесе Равил Миңнехуҗин Борды җирлеге халкына чираттагы саллы бүләген ясады. Ул биредә яшәүче 85 инвалидка үзләре җитештергән сөт, ит продукциясе, тавык йомыркасы, балдан торган азык-төлек җыелмалары өләшеп чыкты. Моннан кала, Борды, Бордыбаш, Җәйләү авылларында яшәүче инвалидларны һәм ярдәмгә мохтаҗ кешеләрне 2022 елның беренче яртысына «Якты юл» («Светлый путь») газетасына яздырды.   

  
• 04 декабрь 2021

  Әтиемне сагынам

  Әгәр әтием исән булса, аңа 95 яшь тулган булыр иде. Бу язмамны аңа – Оргыды авылында гомер кичергән Хисамиев Галимҗан Салих улына һәм үткән гасырның җитмешенче елларында «Ленар» колхозында механизатор булып хезмәт куйган әтиемнең яшьтәшләренә багышлыйм.

  
• 29 ноябрь 2021

  Баһадир йөрәкле ана

  – Тормыш алып барырга, рәхәтләнеп яшәргә барлык мөмкинлекләр дә бар. Минем балаларым шуны аңлый, алай гына да түгел, олы нигъмәтнең кадерен белеп яшиләр. Зөфәр улым белән киленем – тырыш, авыл тормышын яратучылар. Шуңа да авылны яшәтүчеләр дип уйлыйм. Мал-туар асрап, умарта тотып, бакча үстереп яшиләр. Биш балам – биш бармагым шикелле, кайсын тешләсәң дә авырта, – ди Яңа Мусабай авылында улы һәм килене тәрбиясендә яшәүче Мөнҗия Шәймәрданова. 

  
• 08 ноябрь 2021

  Кулларыннан аның гөл тама

  2021 ел Татарстанда “Туган телләр һәм халыклар бердәмлеге елы” уңаеннан Калмия авыл китапханәсендә “Сәнгат төне- 2021” дигән дивиз астында Калмия авылында яшәп иҗат итүче рәссамнәр берлеге әгъзасе Гәрәева Хәния Гыйльметдин кызы белән очрашу үтте.

  
• 01 ноябрь 2021

  Уңган нәсел улы Зөфәр

  Өйдә гел җылылык, елмаю, тыныч кына бер-берсе белән аралашу. Инде гаилә тормышының кырык өч елы артта калса да, бер күз карашыннан аңлашып, бер-берсенә булган мәхәббәт җепләрен саклап яшиләр алар. Язмам Биклән авылында туган, бүген Чаллыда яшәүче Зөфәр Сәгыйтов гаиләсе турында.

  
• 27 октябрь 2021

  Сәйфуллиннар – иң яхшы яшь комбайнчылар

  Республика авыл хуҗалыгы һәм азык-төлек министрлыгы ел саен яшь механизаторларның авыл хуҗалыгы тармагында тырыш хезмәтен бәяләү, киләчәктә дә тырышып эшләргә дәрт уяту максатыннан төрле дәрәҗәдәге һөнәри бәйгеләр уздыра. 

  
• 25 октябрь 2021

  Картиналарының һәм чәчәкләренең җылысы – күңеленә дәва

  Алтын куллы авыл кешеләре хакында күпме генә язсак та, алар тудырган гүзәллеккә беркайчан да битараф калып булмый. Һәр яңа оста, уңган хуҗабикә белән күрешеп, аралашкан саен, аларның эчке дөньялары никадәр бай, тирән икәненә инанасың. Чираттагы язмабызның герое да – Нефтебаза поселогында яшәүче кырык җиде яшьлек Валентина Петровна Яковлева – шундыйлардан. 

  
• 04 октябрь 2021

  Мәртәбәле ил агасы, уңган-булган игенче

  Ташкичү авылында яшәүче сиксән ике яшьлек Рәфкать Камалетдин улы Борһанов «Басу-кырлар – миңа дәва», – ди. 82 яшендә дә язгы чәчүдә тракторга, урып-җыю чорында комбайн штурвалы артына утыруын – җир җимертеп эшләп йөрүенең серен ул шулай аңлата. Хәрәкәттә – бәрәкәт, дип тә өсти. 

  
• 31 август 2021

  Поселокның хөрмәтле кешесе

  Сосновый Бор поселогында катлаулы, әмма мактаулы тормыш юлы үткән хезмәт ветераны Вәсилә Вәгыйзь кызы Әбүзәрова яши. Алтынчы дистәне ваклаган булуына карамастан, кулыннан эш төшерми, гел хәрәкәттә, кешеләргә ярдәм итәргә атлыгып тора.

  
• 13 август 2021

  Бибинур – Боерганның якты нуры

  Боерганда авыл хезмәтчәннәрен хөрмәтләү бәйрәмендә Бибинур Хәмәтова гомере буе авыл хуҗалыгы тармагында эшләгән хезмәт ветераннары турында искиткеч җылы, эчтәлекле чыгыш ясады. Чын күңелдән булгангамы, аның чыгышы иң үтемлесе, иң хәтердә кала торганы булды. Шунда: «Булачак героем менә кем ул!» дип күңелемә киртләп куйган идем. Бибинур ханымның үтә тыйнаклыгы сәбәпле үзе хакында язуны чигерә килде. Ниһаять, без аның белән сый тулы табын артында рәхәт итеп гәп корабыз. Кайсы яссылыкта гына сүз бармасын, Бибинур ханымның туган җирен һәм кешеләрне яратуы, хезмәт кешесенә карата чиксез хөрмәте чагыла.  

  
• 05 август 2021

  «Экспериментлар дәвам итә»

  «Бакчачылык белән мавыгу нәселдән килгәндер, әни ягыннан барлык туганнар да бакча үстерә. Маһруй әбиемне Салих-Тукайда гына түгел, якын-тирә авылларда да яхшы беләләр иде. Ул бакчасында карлыган, виктория үстерде, Октябрь-Бүләк, Ташкичү авылларыннан әбигә җиләккә киләләр иде. Ул вакытта авылда җиләк-җимеш үстерүчеләр сирәк булган, ә безнең әбинең эшләмәгән эше юк иде. Үзлектән барысына да өйрәнгән: бакчасын да тотты, бал кортын да карады, тире эшкәртеп, бүрекләр текте, гармунда да уйнады. Бабай Габделхак Ризванов та да тирә-якта танылган кеше: укытучы, мәктәп директоры булып эшләде, чын коммунист иде», – дип сөйли Луиза Билалова. Ул үзе Мусабай-Завод авылында туган, балачактан ук җәйне Салих-Тукайда, әбисе янында үткәргән. Күп нәрсәне Маһруй әбисеннән өйрәнеп калган. Әбисе белән бабасы бакыйлыкка күчкәч, Луиза аларның нигезен ташламый. 2015 елны алар тормыш иптәше Равил белән шәһәр тормышын калдырып, Салих-Тукайга килеп урнашалар.

  
• 06 июль 2021

  «Безнең доктор!»

  Шәфкать туташы! Бу һөнәр ияләрен безнең халык шундый күркәм исем белән атаган. Димәк, медицина хезмәткәре беренче чиратта шәфкатьле, миһербанлы, кеше хәленә керә белүчән булырга тиеш. Фельдшерларга авыл халкы «Безнең доктор!» дип хөрмәтләп дәшә. Чынлыкта да шулай, авыл җирендә шәфкать туташы, фельдшер – сала докторы инде ул. Яңа Мусабай авылы ФАП мөдире Гөлнурум Гайнетдинова нәкъ шундыйлардан. 

  
• 05 июль 2021

  Иртәдән кичкә кадәр җырлый 

  Республика, бөтенроссия һәм халыкара бәйгеләр призеры - Мәликә Магомедвалиева

  
• 02 июль 2021

  Уңыш ничек булыр? 

  «Кирәкле кишер яфрагы» дип халык кишернең яфрагын аш-су хәзерләүдә кулланылмаганга бераз ирония белән әйтсә дә, быел күпләр кишер, чөгендер кебек яшелчәләрнең тишелеп чыкмавыннан зарлана. Кирәкле икән шул кишернең яфрагы да. Хәер, соңгы көннәрдә яугалап үткән яңгырлардан соң яшелчә түтәлләре күзгә күренеп яшелләнде. Шуңа күрә күңелне төшермик, яхшы уңышка өметләник.