Авылым, кешеләрең синең рубрикасы буенча яңалыклар

• 30 март 2022

  Үзешчән артистларга рәхмәт

  Бу тамашада Түбән Суыксу  җирлегенә кергән дүрт авылдан үзешчәннәр уйнадылар. Югары Суыксу авылы сәхнәсендә Туфан Миңнуллинның «Гөргөри кияүләре» комедиясе күрсәтелде.

  
• 24 март 2022

  Бәхетле картлык, сиңа Габделхәй абый!

  Аны Иске Абдул авылында олысы-кечесе дә хөрмәт итә. Габделхәй абый Гайнетдинов тормышның ачысын да, төчесен дә татыган кеше. Ул Бөек Ватан сугышы вакытында дөньяга килгән бала. 1942 елның февраль аенда туа. Ачлы-туклы балачак, ялангачлык барысы да Габделхәйнең башыннан кичә. Сугыш беткәннән соң да әле бик җиңел булмый мәктәптә укыган балаларны да колхозларда эшкә дәшәләр. Габделхәй дә өлкәннәргә ияреп эшкә йөри, булыша. Ә инде мәктәпне тәмамлагач, сыер фермасына эшкә урнаша, маллар тәрбияли. Алай гына да түгел ул елларда үсмерләргә бөтен авырлыклар зурлар белән тигез төшә, мал тораклары салу өчен урманга барып кул пычкысы белән агач кисеп, төяп алып кайталар, бурыйлар. Ә инде малларга азык әзерләү үзе бер мәшәкатле эш, печәнне кул чалгысы белән чабалар, алып кайтып өяләр. 

  
• 17 март 2022

  Мансур Сәхбеев: «Безнең эштә ашыгыч ярдәм дә, полицейский да булырга туры килә»

  Биклән авыл җирлегенә керүче Кызыл Юл авылында туып-үскән Мансур Шакирҗан улы Сәхбеев тормышын туган җире белән бәйләгән. Биклән авыл җирлеге башлыгы вазыйфасын башкаруына да ике дистә ел булган. Ватанпарвәр Мансур Сәхбеевның тырыш хезмәтен хөкүмәтебез югары бәяли. Үткән атнада район авыл хуҗалыгы алдынгылары слетында күпьеллык тырыш хезмәте өчен Мансур Сәхбеевка район башлыгы Татарстан Республикасы Дәүләт Советының «Рәхмәт хаты»н тапшырды.

  
• 17 март 2022

  Кулыннан гөлләр тама

  Татар халкы элек-электән терлек асраган, җир сөргән, иген иккән. Искиткеч тырыш, эшчән булган. Ирләр элек-электән тормыш-көнкүреш өчен кирәк-яраклар ясау белән шөгыльләнгәннәр: итек басканнар, кәрзин, бишек үргәннәр, бау ишкәннәр, чабата ясаганнар. Ә уңган кызларыбыз һәм киленнәребезнең кулыннан нинди генә эшләр килмәгән?! Татар хатын-кызлары бәйләргә дә бик оста. 

  
• 14 март 2022

  Авылым кешеләрең синең!

  12 март көнне Тукай районы авыл җирлекләре, оешма-предприятияләре арасында спартакиада узды.

  
• 08 март 2022

  Кыю йөрәкле гүзәл лейтенант

  Гүзәл затларыбыз һәр эштә, һәркайда уңганнар, тырышлар, җитезләр, күркәмнәр. Аларның барлык уңай сыйфатларын санарга сүзләр дә җитмәс. Кызларыбыз тормышыбызның яме, гаме. Халыкара хатын-кызлар көне якынлашканда алар аеруча матурлана, чибәррәк, нәзакәтлерәк күренә башлый. Чөнки яз бәйрәме, чәчәкләр һәм гүзәлләребез үзгә бер якты, җылы, ягымлы мохит тудырып, җаныбызны, күзләребезне иркәли.

  
• 02 март 2022

  Нурания апага – 95 яшь

  «Татарстан» совхозы поселогында гомер итүче тыл хезмәтчәне, хезмәт ветераны Нурания апа Нуруллинага 95 яшь тулды. Аны олы юбилее белән котларга район башкарма комитеты җитәкчесенең социаль мәсьәләләр буенча урынбасары Илфак Бариев килде. Ул юбилярга Россия Президенты Владимир Путинның котлау телеграммасын, район башлыгы Фаил Камаевның истәлекле бүләген тапшырды. 

  
• 22 февраль 2022

  Кеше-оркестр

  Авыл халкы фельдшерларга зур хөрмәт белән карый һәм, буыннан буынга килгән гадәт буенча, аларга доктор дип дәшә. Туып-үскән җирендә – Яңа поселогында егерме ел фельдшер булып эшләүче Нәзилә Нуретдинова да авыл докторы. Алай гына да түгел, аның турында кеше-оркестр дип әйтү дә урынлы булыр. Берүзе берничә вазифаны алып баручы хезмәткәр турында башкача әйтеп тә булмыйдыр. 

  
• 21 февраль 2022

  Беренче укытучым

  Һәркем беренче укытучысын гомер буе сагынып искә ала. Мин дә белем сукмагына житәкләп алып кергән беренче мөгаллимем Тәслимә апа Хурамшинага зур рәхмәтләр әйтәм. Аңа инде 90 яшь тулды. Ул төрле заманнарны күргән, күп вакыйгаларны башыннан кичергән мәртәбәле, хөрмәтле Оргыды авылы кешесе. Тәслимә апа үзе 1932 елда Омск шәһәрендә туа. Бөек Ватан сугышы башланыр алдыннан 1940 елны Яр Чаллыга күченеп кайталар. Әле бала гына булган Тәслимәгә сугыш чоры ачысын-төчесен татырга туры килә, балачагы өлкәннәргә ярдәм итешеп үтә. Мәктәптә бик тырышып укый, гел бишлеләр генә ала. Аның киләчәк хыялы – укытучы булу, балаларга аң-белем бирү.

  
• 21 гыйнвар 2022

  Китап – тормыш дәреслеге

  Кемнәр алар минем китап укучыларым? Укытучы яки терлекчеме, механизатор яки мәктәп укучысымы, шәфкать туташы яисэ гомер буе эшләгәннән соң лаеклы ялга чыккан, буш вакыты калуга кинәнеп китапханәнең даими укучысына эйләнгән пенсионермы? Кырык елдан артык китапханәче вазифасында узган гомеремдә барысы да булды, дистәләгән, йөзләгән китап укучы булган еллар бар иде. Хәзерге кебек китаплары да тулып ятмады.

  
• 17 гыйнвар 2022

  Гадел Гәтифә

  Кешегә медицина хезмәте кирәк булган кебек үк, хуҗалыкларда асралучы мал-туарларга да ветеринар ярдәме кирәк. Сәламәт булган очракта да, йогышлы авырулардан кисәтү өчен, ветфельдшер тарафыннан аларга профилактик чаралар үткәрелергә тиеш. Шуңа да авыл җирендә ветеринар, зоотехник – иң кирәкле һөнәрләрнең берсе.

  
• 17 гыйнвар 2022

  Гаҗәеп бабай

  Чыршылы авылында 95 яшьлек гаҗәеп бер бабай яши. Олы яшьтә дип тормый, көн саен җәяүләп авыл урамнарын әйләнеп чыга, кешеләрнең хәлен белә. Аны олысы да, кечесе дә хөрмәт итәләр, Чыршылының имам-хатыйбы Әхмәтгали Җәләлетдинов ул. Һәрвакыт көр күңелле, ачык йөзле кеше.

  
• 10 гыйнвар 2022

  Юбилейлары котлы булсын!

  Кече Шильнә авылында яшәүче Миннигөл апа Гыйлметдиновага hәм Нургаян апа Садриевага 90 яшь тулды!

• 06 гыйнвар 2022

  Өлкәннәребез озак яшәсен

  Калмаш авыл җирлегендә яшәуче Нурдидә апа Фатыйховага 95 яшь тулды.

  
• 29 декабрь 2021

  Район җитәкчесе ветераннарны котлады

  Яңа ел алдыннан хезмәт һәм тыл ветераннарының, инвалидларның хәлләрен белешеп, аларны котлап бүләкләр илтү Тукай районы җитәкчелегендә күркәм традициягә әйләнде.