Эльвира Абдуллина автор яңалыклары

• 07 сентябрь 2019

  Шикәр чөгендере быел мулдан

   Ике атна элек «Агрокөч» холдингының «Кама» агрофирмасы шикәр чөгендерен алуга кереште. Әлеге культура агрофирманың өч бүлекчәсендә дә игелә. Новотроицкоеда ул шактый киң мәйданда – 1395 гектарда чәчелгән. Биредәге уңышны җыеп алганнан соң комбайннар Теләнче Тамак басуына күчәчәк. Анда исә татлы тамыразыкның мәйданы 1275 гектарны били. Өченче чиратта – 646 гектарлы Яңа Бүләк басулары. Быел агрофирмада чөгендер барысы 3,3 мең гектарда игелә.

  
• 06 сентябрь 2019

  Кыр батырлары 

  Аяз, коры көннәр игенчеләргә урып-җыю эшләрен кызу темплар белән алып бару мөмкинлеге бирә. Бүген район буенча 30,7 мең гектар мәйданнан 121,1 мең тонна ашлык җыеп алынды. Бу планның 71 процентын тәшкил итә. Уртача уңыш – 39,7 центнер. Бу республика буенча уртача күрсәткечтән югарырак.

  
• 05 сентябрь 2019

  Өстенлек – социаль объектларга

  Район халкы өчен Республика көне истәлекле вакыйгаларга бай булды. Бу көнне берьюлы ике мөһим социаль объект – Яңа Бүләк авылында реконструкциядән соң мәктәп һәм Иске Җирекледә фельдшер-акушерлык пункты ачылды.

  
• 30 август 2019

  Арадашчыларсыз – отышлырак

  Күптән түгел Тукай районында «Авыл җирендә эшмәкәрлекне үстерү» турында сөйләшү барышында ТР Дәүләт Советы рәисе Фәрит Мөхәммәтшин Чаллы шәһәре урамнарында сөт сатучылар турында сүз кузгатты. Әлеге сөт цистерналарының килү вакыты алдан билгеле, шәһәр халкы аларны көтеп ала. Яңа савылган сөтне, нигездә, Тукай районы җитештерүчеләре китерә. Фәрит Мөхәммәтшин мондый сөт сату урыннарын арттырырга тәкъдим итте.

  
• 29 август 2019

  Стратегия – эшлекле булу

  Тукай районында бизнес-активлыкны көчәйтү буенча стратегик сессия узды. Очрашуны ТР Президенты карамагындагы Эшмәкәрлек советы оештырды. Сессия барышында совет экспертлары, район хакимияте вәкилләре һәм 40лап эшкуар Тукай районында бизнесны үстерүнең төп проблемалары турында сөйләштеләр. Очрашу 5 төркемдә фикер алышу форматында узды.

  
• 28 август 2019

  Балаларны мәктәпкә әзерләү ничә сумга төште?

  Август – балаларны мәктәпкә әзерләү вакыты. Форма, эш дәфтәрләре, аяк киеме, канцтоварлар, рюкзак алу... Бу чорда мәктәпкә әзерләнү мәшәкатьләре ата-аналарның баш бәласенә әйләнә.

  
• 28 август 2019

  Игенчегә олы хөрмәт

  Районда урып-җыю эшләре дәвам итә. Бүген 19,7 мең гектар мәйданда ашлык суктырылды. Бу – планның 44 проценты. Барлыгы 78 мең тонна ашлык җыелды, бер гектардан уртача уңыш – 41 центнер. Игенчеләр тулысынча көзге культураларны җыюны тәмамлады. Чиратта – язгы бодай. Бу атнада «Кама» агрофирмасында шикәр чөгендерен алырга керештеләр. Бүген 4865 тонна тамыразык җыелды. «Миңнеханов» крестьян-фермер хуҗалыгы хезмәтчәннәре беренче бәрәңге уңышын алды. Гектарыннан чыккан уртача уңыш – 250 центнер.

  
• 23 август 2019

  «Р-Агро» басуларында

  Урып-җыю эшләре район басуларында тулы куәтенә дәвам итә. Хуҗалыкларның ындыр табакларында басудан кайткан икмәкне киптереп, чистартып торалар. Ашлыкны кышкы саклауга урнаштыру белән беррәттән, басулардан төргәкләргә уралган саламны алып кайтып, ферма территорияләренә өеп куялар. Җирне туңга сөрү эшләре дә оешкан төстә бара. Шулай ук эшкәртелгән мәйданнарда уҗым культуралары чәчелә.

  
• 23 август 2019

  Амбардагысы ашлык

  Ындыр табагында кызу эш өсте. Биредә көзге муллык – ашлык көшелләре күзгә күренеп арта. 

  
• 21 август 2019

  Эшлекле климат белән уртаклашабыз

  Тукай районында ТР Дәүләт Советы Рәисе Фәрит Мөхәммәтшин, ТР Авыл хуҗалыгы һәм азык-төлек министры Марат Әхмәтов, аның урынбасары Ришат Хәбипов һәм ТР Муниципаль берәмлекләр советы рәисе Әгъзам Гобәйдуллин катнашында авыл халкының эшлекле активлыгын арттыру мәсьәләләре буенча чираттагы зона семинар-киңәшмәсе узды. Анда республиканың 14 районыннан авыл җирлекләре башлыклары, шәхси ярдәмче хуҗалыклар, гаилә фермалары тотучылар һәм авыл хуҗалыгы кооперативлары җитәкчеләре – барысы 500 кеше катнашты. Семинар ачык диалог формасында узды.

  
• 21 август 2019

  Уру, сөрү һәм чәчү вакыты

  Июль ахырында һәм август башында һава шартлары начар булу эшләрне тоткарлады. Бүген урып-җыю һәр хуҗалыкта тулы куәтенә бара. Соңгы көннәрдә урнашкан яхшы һава торышы игенчеләргә һәр сәгатьне нәтиҗәле файдалану мөмкинлеге тудырды. Бүген аграрийлар төп игътибарны бөртекле һәм кузаклы культураларны урып-җыюга һәм уҗым культураларын чәчүгә юнәлтә.

  
• 17 август 2019

  77 елдан соң туган җиренә кайтты

  «Һәлак булган соңгы солдат җирләнми торып, сугыш тәмамланмаган санала», – дигән бөек полководец Александр Суворов. Хәер, бу өлкәдә ил һәм республика күләмендә зур эш алып барыла анысы. Аның анык нәтиҗәләре дә бар. Сугыш кырында башын салган, хәбәрсез югалган дип исәпләнгән якташыбыз Демьян Маклаковның җәсәден шушы көннәрдә, 77 ел узганнан соң, туган авылы Бордыга алып кайтып, авыл зиратына җирләделәр. Шулай итеп, тагын бер совет сугышчысының рухы тынычлык тапты.

  
• 16 август 2019

  Аяз көннәрдән тулысынча файдаланыйк

  Ниһаять, районда көтеп алынган яхшы һава торышы урнашты. Игенчеләр тулы көчкә урып-җыю эшләренә тотынды. Бүген басуларда 75 бөртек суктыручы комбайн һәм 200дән артык йөк машинасы эшли. Бу саннар алдагы көннәрдә тагы да артачак. Якындагы коры, явымсыз берничә көн игенчеләр өчен максималь хезмәт җитештерүчәнлеге көннәре булачак, диләр белгечләр.

  
• 14 август 2019

  Тукай районы бизнесы һәм дәүләт: ачыктан-ачык сөйләшү

  Бизнес – икътисад терәге. Тукай районында эшмәкәрлекне үстерү өчен шартлар җитәрлекме? Аларны камилләштерү өчен тагын ниләр эшләргә кирәк? ТР Эшкуарлыкка ярдәм итү фонды һәм Эшмәкәрләрнең хокукларын яклау буенча ТР Президенты каршындагы вәкаләтленең вәкилләре Тукай районының 130лап эшкуары белән ачыктан-ачык сөйләшү уздырды. 

  
• 14 август 2019

  Катлаулы, дымлы урак

  Һава шартлары район авыл хуҗалыгы хезмәтчәннәренә уракны тулы көчкә алып барырга мөмкинлек бирми. Шулай да бер атна эчендә урып-җыю темплары буенча ситуация сизелерлек үзгәрде. Игенчеләр һәр минуты кадерле булган сәгатьләрне бушка сарыф итми.