Эльвира Абдуллина автор яңалыклары

• 16 октябрь 2019

  Түлә һәм тынычлап яшә

  Районда җылыту сезоны һава торышына бәйле рәвештә быел иртәрәк башланды. Бу торак-коммуналь хуҗалык предприятиеләренең әзерлегенә дә бәйле. Моңа халыкның торак-коммуналь хезмәтләр өчен вакытында түләве дә йогынты ясый. Кызганыч, районда бу күрсәткеч яхшы түгел. Бүген тукайлыларның торак-коммуналь предприятиеләр алдындагы бурычы 47 млн 493 мең сум тәшкил итә. Шуның 2 млн 768 мең сумнан артыгы җылылык өчен. Круглое Поле поселогында урнашкан «Доверие» идарә компаниясе 82 күпфатирлы йортка хезмәт күрсәтә. Бу 100 мең квадрат метр торак мәйдан дигән сүз. Әлеге компаниядә эшләрнең торышы турында аның җитәкчесе Вера Игнатьева белән сөйләштек.

  
• 11 октябрь 2019

  Тукайлыларның урыны түрдә

  Авыл хуҗалыгы һәм эшкәртү сәнәгате хезмәткәрләре көне уңаеннан ел саен үткәрелә торган республикакүләм тантаналы чара Казанның «Корстон» комплексында узды. Тантанада ТР Президенты Рөстәм Миңнеханов, ТР Премьер-министры урынбасары – авыл хуҗалыгы һәм азык-төлек министры Марат Җаббаров, ТР Дәүләт Советы вице-спикеры Марат Әхмәтов, ТР Дәүләт Киңәшчесе Минтимер Шәймиев катнашты. Тантанага тармак ветераннары, югары казанышларга ирешкән районнарның агросәнәгать комплексы, азык-төлек һәм эшкәртү сәнәгате предприятиеләренең, сервис оешмаларының хезмәт алдынгылары, барлыгы 700дән артык кеше чакырылган иде. Алар арасында Тукай районыннан район башлыгы Фаил Камаев җитәкчелегендәге делегация дә бар иде. Бу мәртәбәле бәйрәмдә тукайлылар игътибар үзәгендә булды. Быел Тукай районы бөртеклеләрнең тулай җыемы (175 мең тонна) һәм һәр гектардан чыккан уртача уңыш (40,4 центнер) буенча иң югары нәтиҗәләргә иреште.

  
• 10 октябрь 2019

  Хөкүмәт ярдәме – алга барырга этәргеч

  2019 ел Тукай районында шәхси ярдәмче хуҗалыкларга ярдәм елы буларак игълан ителгән иде. Ел дәвамында авыл эшкуарларына дәүләт субсидияләрен алуда ярдәм итү комиссиясе эшләде. Ул авыл кешесенә кирәкле документларны тутырырга ярдәм итү, юридик хезмәт күрсәтү белән шөгыльләнде. Үзара киңәшләшеп эшләүнең нәтиҗәләре дә куанычлы. 14 гаилә 4 млн 400 мең сум күләмендә дәүләт субсидиясе алды, тагын 4 гаилә 1 млн 400 мең сумга якын субсидия кайтуын көтә. Бу ярдәм хисабына 14 кече ферма төзелде, киләчәктә савым сыерларның баш саны артуы көтелә.

  
• 09 октябрь 2019

  Бергәләп үсәрбез

  «Урман утырту көне» акциясе кысаларында бу көннәрдә районның барлык авыл җирлекләрендә актив рәвештә агач утырту бара. Шул рәвешле авыл җирлекләренең парк зоналарында, урман, чишмәләр, мәчет, зиратлар янында яшь агач үсентеләре тамыр җәя башлады. Бу акция алга таба да дәвам итәчәк. Әлеге игелекле эштә урманнарны саклап калуга битараф булмаган һәр кеше катнаша ала.

  
• 04 октябрь 2019

  Кукуруз уңды

  Кышкы чорда маллардан тотрыклы продукция алу өчен беренче чиратта сыйфатлы һәм җитәрлек күләмдә азык запасы булу шарт. Яз, җәй айларында 17,8 мең тонна печән, 50,1 мең тонна сенаж әзерләнде. Бу бер шартлы терлек башына 21,6 центнер азык берәмлеге дигән сүз. Бүген аграрийлар силос өчен кукуруз уру белән мәшгуль.  Быел район басуларында кукуруз 3 мең гектардан артык мәйданда игелде, шуның 2,7 меңе силоска, 450 гектары орлыкка дип үстерелде. Хәзерге вакытта кукуруз 850 гектарда җыеп алынган, базларга 16,1 мең тонна силос салынган. Кырларда 18 комбайн эшли.

  
• 03 октябрь 2019

  Юлламадан тәэсирләр

  ТР Президенты Рөстәм Миңнеханов алтынчы чакырылыш ТР Дәүләт Советы депутатларына еллык Юллама белән мөрәҗәгать итте. Президент үз чыгышында республиканың 2030 елга кадәр үсеш программасын тәкъдим итте. ТР Дәүләт Советы утырышында Тукай районыннан район башлыгы Фаил Камаев, башкарма комитет җитәкчесе Ленар Авзалов, «Ярыш» хуҗалыгы җитәкчесе Рәсим Шәйхаттаров, Мусабай Завод авыл җирлеге башлыгы Фәридә Әгъләҗева һәм кошчылык белән шөгыльләнүче фермерлар – Гөлнур һәм Ринат Хановлар катнашты.

  
• 02 октябрь 2019

  Кызганыч, алданрак белмәдек...

  18 ноябрь көнне районның авыл җирлекләрендә үзара салым җыю буенча референдум узачак. Анда елга бер тапкыр түләнә торган үзара салымның күләмен билгеләячәкләр. Бу төр салым дәүләт тарафыннан өстәмә финанслана, ягъни халыктан җыелган һәр 1 сум акчага республика бюджетыннан 4 сум өстәлеп кайта. Акчаны нинди максатларга тотасын авыл кешеләре үзләре хәл итә.Тукай районында үзара салым ярдәмендә авыллардагы мөһим проблемаларны хәл итүнең ачык мисалларыннан берсе – Кече Шилнә җирлегенә караган Манхэттен микрорайоны.

  
• 28 сентябрь 2019

  Тукайлылар – «ЛУКОЙЛ» бәйгесе җиңүчеләре

  Казанның «Пирамида» күңел ачу комплексында «ЛУКОЙЛ» җәмгыятенең социаль һәм мәдәни проектларының унынчы юбилей бәйгесе җиңүчеләрен бүләкләделәр. Республикада аларны «РИТЭК» АҖ тәкъдим итә. Бәйгегә Татарстан буенча барлыгы 766 проект тәкъдим ителгән. Грантны 153 җиңүче алачак, грант фонды 25 млн сум тәшкил итә. Татарстан Республикасында конкурс 10 ел рәттән уздырыла. Бу вакыт эчендә 6,8 мең гариза каралган, 1406 проект гамәлгә ашырылган.

  
• 25 сентябрь 2019

  Бурычны үтәдек

  Быелгы урак Тукай районы тарихында алтын хәрефләр белән уелып калачак – бөртеклеләрдән тулаем 175 мең тонна уңыш җыюга ирештек, гектарыннан уртача 40,4 центнер икмәк алдык. Бу – республикада иң югары күрсәткеч.  Барыбызга да билгеле, быел урып-җыю катлаулы булды. Шулай да авыл хуҗалыгы хезмәтчәннәре менә шундый югары нәтиҗәләргә ирешә алдылар. Район башлыгы Фаил Камаев, авыл хуҗалыгы предприятиеләре җитәкчеләре, крестьян-фермер хуҗалыклары башлыклары бүген эшчәнлекләренә нәтиҗә ясый, үз тәэсирләре белән уртаклаша. 

  
• 20 сентябрь 2019

  Кулланучылар кооперативлары кирәк

  Тукай районында ТР Авыл хуҗалыгы һәм азык-төлек министрлыгы каршындагы Авыл хуҗалыгы кооперациясен үстерү буенча компетенцияләр үзәге белгечләре катнашында очрашулар узды. Аларда район территориясендә үз эшчәнлеген алып баручы кулланучылар кооперативлары җитәкчеләре, крестьян-фермер хуҗалыклары, шәхси ярдәмчел хуҗалыклар вәкилләре, үз ихаталарында күпләп мал тотучылар – барлыгы 150 кеше катнашты. 

  
• 20 сентябрь 2019

  Йодрык кадәрле...

  Районда ике атна дәвамында «икенче икмәк» уңышын җыю бара. Бездә бәрәңге игү белән «Р-Агро» хуҗалыгы, «Шилнә» җитештерү кооперативы, «Миңнеханов», «Әшрәфуллин», «Мингалиева» крестьян-фермер хуҗалыклары шөгыльләнә. Бүген пландагы 283 гектарның 100 гектарыннан 3,1 мең тонна бәрәңге җыеп алынган. Гектардан чыккан уртача уңыш – 380 центнер. Бу – республика буенча уртача күрсәткечтән югары.

  
• 19 сентябрь 2019

  Мәктәп автобуслары

  Уку елы башлану белән мәктәп автобуслары мәсьәләсе актуальләшә. Бүген районда укучы балаларны мәктәпләргә 14 автобус йөртә. Бу җаваплы эшне «РегионТрансСервис» предприятиесе башкара. Тукай районында ул үз эшчәнлеген дүрт ел алып бара. 

  
• 18 сентябрь 2019

  Сәйдәшлеләр: сыйфат беренче урында

  Районда урып-җыю эшләре ахырына якынлаша. Бүген 41,6 мең гектар мәйданнан 167,2 мең тонна икмәк җыеп алынды. Бу – планның 95 проценты. Игенчеләр бүген язгы бодай суктыру белән мәшгуль, шулай ук горчица, рапс кебек техник культуралар басуларында да эш башланды. Соңгы 1,8 мең гектар мәйданнан люпин, вика, карабодай культураларын җыеп аласы бар. Белгечләр фаразлавынча, җыеп алынган тулаем ашлык күләме буенча Тукай районының республикада беренче өчлеккә керү мөмкинлеге бар. Гектарыннан чыккан уртача уңыш та югары – бөртеклеләрнең гектарыннан уртача 40,1 центнер ашлык алынды. Бу республикада – икенче күрсәткеч. Шикәр чөгендеренең уңдырышлылыгы буенча да, Тәтеш, Зәй районнары белән берлектә, Тукай районы алда бара. Бездә гектарыннан чыккан уңыш уртача 470 центнердан артык.

  
• 14 сентябрь 2019

  Алдынгылардан өйрәник!

  Авыл хужалыгы тармагының актуаль мәсьәләләре буенча чираттагы семинар «Ирек» җитештерү кооперативында һәм «Гигант» хужалыгында узды. Анда район башлыгы Фаил Камаев, хуҗалык җитәкчеләре, авыл хуҗалыгы һәм азык-төлек идарәсе белгечләре катнашты. Семинарда урып-җыю барышы, көзге чәчү һәм мал торакларын кышлату чорына әзерләү буенча фикер алыштылар.

  
• 13 сентябрь 2019

  Бәткедә – «яшел утрау»

  Бәтке авылында яшәүчеләрнең үз ял паркы булачак. Әлеге проект «Иҗтимагый киңлекләрне үстерү» республика программасы буенча тормышка ашырыла. Төзелеш эшләренә 22,5 миллион сум акча бүленгән.