Штрафын вакытында түләмәгән йөртүче өч тәүлеккә кулга алынды

Пәнжешәмбе көнне иртәнге сәгать 6дан 9га кадәр район ЮХИДИ хезмәткәрләре һәм участок вәкаләтлеләре «Тоннель» чарасы кысаларындагы махсус рейдка Яр Чаллы - Нефтебаза поселогы юлына чыгачак. 27 июльдә Яр Чаллы - Сарман трассасында уздырылган рейдта инспекторлар тизлек режимын сакламаучылар, куркынычсызлык каешын такмаучылар, иминият полисыннан башка йөрүчеләр белән беррәттән машина йөртү таныклыгыннан башка руль артына утырган һәм штрафын вакытында түләмәгән 1әр кешене ачыкладылар. Кагыйдә бозучылар икесе дә Яр Чаллыда яшәүчеләр. Икенче йөртүчегә карата суд карар чыгарды инде - ул өч тәүлеккә кулга алынды.