Районда ел башыннан эчкән килеш руль артына утырган 18 кеше тоткарланган

ТР Эчке эшләр министрлыгының ЮХИДИ рәсми сайтында юл йөрү кагыйдәләрен бозган өчен бик күп штрафлары җыелган машина йөртүчеләрнең исемлеге басылды. Монда шулай ук исерек килеш руль артына утырган һәм медицина тикшерүе үтүдән баш тарткан өчен машина йөртү хокукыннан мәхрүм ителгәннәрнең дә исемнәре бар. Исемлек көн саен яңартылып торачак дип хәбәр ителә сайтта. Район буенча ЮХИДИ бүлегеннән алынган мәгълүматларга караганда, ел башыннан безнең территориядә дә шундый 18 машина йөртүче тоткарланган, аларның 5есе Тукай районында яшәүчеләр. Исерек килеш эләккәннәрнең 5есе административ арестка алынган.