Яңа поселогында китаплар күргәзмәсе эшли һәм экскурсияләр үткәрелә

Яңа поселогы мәктәбе музеенда беренче Президентыбыз Минтимер Шәймиевның туган көненә багышланган чаралар үткәрдек. Музеебызны кабаттан торгызучы, яңартучы китапханәчебез Нина Секретарёва бай һәм эчтәлекле китаплар күргәзмәсе оештырган иде. Музейның экскурсия җитәкчесе беренче Президентыбызның искиткеч идарә итә белү сәләте, халыклар арасындагы дуслыкны ныгыту өчен армый-талмый хезмәт итү мизгелләре, Татарстан Республикасының дөнья аренасында тоткан урыны турында бик кызыклы мәгълүматлар җиткерде. Әлеге очрашу музейга килгән һәркем өчен кызыклы һәм истәлекле булды, дип хәбәр итте редакциябезгә Яңа поселогы мәктәбенең татар теле һәм әдәбияты укытучысы Резидә Мәүҗитова.