Яңа елда тугыз көн ял итәбез

Яңа ел яллары быел 31 декабрьдән башланып, 9 гыйнварга кадәр дәвам итәчәк. 9 гыйнвар, дүшәмбе, беренче эш көне булачак.

2017 елның 1 гыйнвары, бәйрәм көн, якшәмбегә туры килгәнлектән, РФ Хөкүмәтенең «2017 елда ял көннәрен күчерү турында»гы карары нигезендә, 24 февральгә күчерелә. Шулай итеп, Ватанны саклаучылар көнен дә кертеп, ул вакытта 4 көн - 23, 24, 25, 26 февральдә ял итәчәкбез. 7 гыйнвар - Раштуа көне исә шимбәгә туры килә. Ул 8 майга күчерелә. Шуңа бәйле рәвештә, Җиңү бәйрәмендә дә тукайлыларны 6, 7, 8, 9 майларда - дүрт көн ял көтә.