Укучыларыбыз ял да итте, чыныкты да

19-23 октябрьләрдә районның VIII-X сыйныф укучылары Новотроицкое авылындагы "Чемпион" хәрби-спорт лагеренда ял итте. Төрле ярышларда катнашып, саф һавада сәламәтлекләрен ныгыту белән беррәттән фәннәрне дә тулы программада үзләштерделәр. Минзәлә шәһәренә экскурсия, аэроклубта парашюттан сикерүчеләр белән якыннан танышу, спорт самолетының штурвалы артына утырып карау, боз сараенда туйганчы тимераякта шуу кебек күңелле мизгелләр укучылар күңелендә озак сакланыр, дип хәбәр итте район мәгариф бүлегенең мәктәптән тыш эшләр үзәге директоры урынбасары Эльвира Шәйдуллина.