Тукайлылар – республика олимпиадалары җиңүчеләре

Мәктәп укучылары арасында фән олимпиадаларының республика туры төгәлләнде. Районыбызга өч укучы җиңү китерде һәм призер дипломнарына лаек булды. Мусабай-Завод урта мәктәбенең 11нче сыйныф укучысы Рузилә Вәлиева татар әдәбиятыннан өченче ел рәттән җиңү яулады (җитәкчесе Лилия Вилданова). Яңа поселогы урта мәктәбенең 9нчы сыйныф укучысы Тимур Бариев - биологиядән (җитәкчесе Гөлнара Минегулова), шулай ук Яңа поселогы мәктәбенең 10нчы сыйныф укучысы Айгөл Нуретдинова татар теленнән (җитәкчесе Резедә Мәүҗетова) җиңүчеләр дип табылдылар.