Тукай районының «Задоринки» балалар фольклор коллективы «Каравон»да чыгыш ясап кайтты + Фоторепортаж

Кнәз авыл җирлегенең «Задоринки» балалар фольклор коллективы «Каравон» дип исемләнгән XXV Бөтенроссия рус фольклор фестивалендә катнашып кайтты. Фестиваль елдагыча Лаеш районы Никольское авылында үткәрелде. «Задоринки» коллективы рус халык сынамышларын, «Здорово, здорово, у ворот Егорова», «Земляничка ягодка» дигән рус халык җырларын фестивальнең өч концерт мәйданчыгында да башкардылар. Соңыннан коллектив һәм аларның җитәкчеләре Каравон тарихи музейга экскурсия дә кылдылар. «Задоринки» балаларының һәрберсенә дә «Каравон» XXV Бөтенроссия рус фольклор фестивале дипломнары тапшырылды, дип хәбәр итә безгә Кнәз авылының мәдәният йорты директоры Тамара Тузеева.