Тукай районында МХО Геройлары истәлеген мәңгеләштерделәр

19 августта Тукай районында тантаналы һәм бер үк вакытта кайгылы вакыйга – махсус хәрби операциядә һәлак булган өч кеше яшәгән йортларда мемориаль такта ачылды. Тантана Күзкәй һәм Калмаш авыл җирлекләрендә узды.

Геройларны район активы, хәрби комиссариат вәкилләре, җирлек башлыклары, «Форпост» активистлары, җирле халык һәм, иң мөһиме, һәлак булган сугышчыларның туганнары һәм якыннары искә алды.

Бу вакыйга «Татарстан Республикасы Тукай муниципаль районының яшьләр үзәге» нең грант конкурсында «Истә тотсыннар өчен» проекты белән җиңүе нәтиҗәсендә мөмкин булды. Проект Татарстан Республикасы Яшьләр эшләре министрлыгы ярдәмендә гамәлгә ашырыла һәм республика Рәисе тарафыннан шәхсән хупланды. Аның төп максаты – махсус хәрби операциядә катнашкан якташлары турында тарихи истәлекне мәңгеләштерү һәм саклау.

Бер минут тынлык һәм Мәңгелек хәтер

Митингта катнашучылар бер минут тынлыкта баш иделәр, яңа мемориалларга тере чәчәкләр салдылар. Бу йортлардагы мәңгелек билгеләр – табличкалар гына түгел. Бу хөрмәт һәм рәхмәт, батырларның исеме мәңге онытылмаячак дигән вәгъдә. Алар безнең йөрәкләрдә мәңгегә калачак.

Шияпов Марат Рәҗәп улы

1971 елның 8 сентябрендә Иске Байлар авылында туа. Күзкәй урта мәктәбендә белем ала.

Мөсәвиров Илназ Мостанаҗит улы

1997 елның 26 мартында Югары Байлар авылында туа. Калмаш урта мәктәбендә укый. Якташлары хәтерендә ул намуслы, җаваплы, игътибарлы һәм киң күңелле кеше булып калды.

Золотарев Александр Владимирович

1993 елның 8 декабрендә Приморье төбәгенең Лесозаводск шәһәрендә туа. Артем шәһәренең 18 нче мәктәбен, аннары Лесозаводскиның 2 нче һөнәр училищесын «агач эшкәртүче» белгечлеге буенча тәмамлый. 2020 елдан Тукай районының Калмаш авылына күченеп кайта.