Тукай районында мобиль поликлиника эшләп килә
Федераль «Озын гомер һәм актив тормыш» программасы кысаларында Тукай районында Яр Чаллы шәһәре 5нче шәһәр хастаханәсенең мобиль поликлиникасы эшләячәк.
Эш графигы һәм урыннары:
10 нан 21 ноябрь 2025 ел — Тлянче-Тамак амбулаториясе.
24 ноябрьдән 5 декабрь 2025 елга кадәр — Бәтке амбулаториясе.
Кабул итү дүшәмбедән җомгага кадәр, сәгать 8:00дән 15:00гә кадәр алып барыла.
Мобиль поликлиника хезмәтләре:
Мобиль поликлиника — заманча диагностика җиһазлары белән җиһазландырылган махсуслаштырылган автомобиль-фургон. Ерак авылларда яшәүчеләр тар юнәлешле белгечләрнең консультацияләрен ала һәм тикшерүләр үтә ала:
Табиблар консультацияләре: терапевт, хирург, эндокринолог, офтальмолог, ЛОР, травматолог, гинеколог, уролог, невролог, онколог.
Диагностика: корсак куышлыгы органнары УЗИ, маммография, флюорография.
Лаборатор тикшеренүләр: анализлар тапшыру.
Бу авыл халкына заманча медицина ярдәме, шул исәптән авыруларны иртә ачыклау һәм профилактика уздыру мөмкинлеген бирә.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев