Тукай районы халкы «Урманны саклыйк» Бөтенроссия акциясенә өлеш кертте
«Экологик иминлек» милли проекты кысаларында Татарстанда «Урманны саклыйк»масштаблы акциясе уза.
Барлыгы республиканың 140 мәйданчыгында ике миллионнан артык агач утырту планлаштырыла.
Яшелләндерүдә Тукай халкы да актив катнашты. Кече Шилнә авыл җирлеге территориясендә урманчы Ирек Сафин җитәкчелегендә 750 дән артык чыршы һәм 15 карагай утыртылды. Катнашучылар билгеләп үткәнчә, бу инициатива урманнарны торгызу һәм саклау өчен бик мөһим.
Агач утыртудан тыш, халык территорияне тәртипкә китергән: 4 кубометр ауган агачлар җыелган һәм куркынычсызлыкны тәэмин итү өчен шлагбаум ремонтланган.
Бөек Җиңүнең 80 еллыгы һәм Ватанны саклаучылар елы уңаеннан акция үткәрү символик мәгънәгә ия: табигатьне кайгырту — киләчәк буыннарның киләчәккә керткән өлеше һәм ата-бабаларның батырлыгына хөрмәт күрсәтү ул.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев