Тәртибе яхшы булган тукайлылар җәзадан азат ителделәр

Җәзаларны үтәтү инспекциясе башлыгы Альберт Гермесның хәбәр итүенчә, 2017 елның беренче кварталында инспекциядә 147 кешенең эше каралган. Шуларның 108е шартлы рәвештә хөкем ителгән райондашлар.

Җәзаны үтәү тәртибен һәм шартларын бозган 2 кеше иректән мәхрүм ителү урынына җибәрелгән, 13 кешенең сынау сроклары 1 айдан 3 айга кадәр озынайтылган. Үзләрен яхшы яктан гына күрсәткән 3 кеше район суды карары белән җәзадан азат ителгән. 6 кешедән җинаять җаваплылыгы алынган һәм 2 кешенең хөкем карары йомшартылган.