Теория — онлайн, практика — киңәйтелә: автомәктәпләрдә укыту тәртибе үзгәрә
Машина йөртүчеләрне әзерләүнең яңартылган программалары теоретик белемне дистанцион форматта алуны, ә практик дәресләрне уку мәйданчыкларында гына түгел, автопредприятиеләр территорияләрендә дә үткәрүне күздә тота. Бу хакта Дәүләт Думасының транспорт комитеты рәисенең беренче урынбасары Павел Федяев хәбәр итте.
Аның сүзләренчә, программалар кысаларында юл-транспорт һәлакәтләре очрагында беренче ярдәм күрсәтү блогын яңарту, шулай ук теоретик өлешне киңәйтү планлаштырыла. Аерым алганда, дәресләргә электр самокатлары һәм шәхси мобильлекнең башка чараларын кулланучылар белән юлда үзара бәйләнеш кагыйдәләре, шулай ук цифрлы хокукларны һәм ОСАГО полисын да кертеп, электрон документлардан файдалану тәртибе өстәләчәк.
«Мәгариф министрлыгының машина йөртүчеләрне укытуның яңа программаларын раслау турындагы боерыгы 2026 елның 1 мартыннан үз көченә керәчәк һәм 2032 елга кадәр гамәлдә булачак», — дип аңлатты Павел Федяев ТАСС агентлыгына биргән әңгәмәсендә. Ул әлеге документның автомәктәпләрдә укыту сыйфатын күтәрүгә юнәлдерелгәнлеген ассызыклады.
Депутат билгеләп үткәнчә, «B» категориясенә укучылар өчен практик дәресләр саны бераз артачак. Шулай ук яңа категория алу өчен тулы курс үтү мәҗбүри булмаячак — өстәмә модульләрне үзләштерү дә җитәчәк.
Моннан тыш, Федяев сүзләренчә, үзгәрешләр юл-транспорт һәлакәте вакытында беренче ярдәм күрсәтү курсын тулысынча яңача форматта укытуны да күздә тота.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев